UNA POESIA PER PAPA CELESTINO V

0
682

Ieri Civico93 ha pubblicato un articolo di Emanuele Petrucci sull’anniversario della salita al trono pontificio di Celestino V. Oggi lo stesso autore invia una poesia per il papa che passò anche da San Nicandro e, come si dice, abbia pernottato nel nostro castello.

U PAPA CELESTINE

“Sendiiite! Sendiiite!

Jòmmene e ffémmene fóre da li case scìte

ca vvaja dà na nutizia tande mpurtanda.

Pescrà, qua, adda menì nu pèzze da nuvanda.

Ce chjama Pétre Angelère Merróne

e dicene ca jjè nu crestejane tande bbóne.

Jè u Papa nóve, ca u nóme de Celestine cià ppegghiate

e cca nd’a stu pajése nóstre ce v’é a fa na mbruvvesata”.

Jéva u jèttavanne ca currènne ngalemate jéva lluccanne

nd’a ttutte li chjazze, pendune e spendune u vanne.

Prima du vanne, pérò, ch’u tammurrèdde respegghjava

la ggènde ca dind’a li case ce repusava o fatejava.

 

Sta nutizia schenvulgéva tutte u mónne,

u pajése c’è schembòste, jè ssuccésse u fenemónne.

Vije, chjazze, case e ppertune jévene tutte nfiurate;

i funèstre che tubbe e cannéle jévene llumenate.

Tutte ane spase sóp’a i vannecule

bandiére, lenzóla e cupèrte de tanda chelure.

Ddu jórne l’òmmene i vestite de pastóre ce so’ ngegnate

e li fémmene quédde de pacchiana ca che li lacce jéva ndurate.

Li segnurine tutte che li buccla, trécce e facce pettate

e i wagliune ch’i capìdde che l’ógghje de vuliva mbumatate.

Tanne ce stévene quase cinghecènde jabbetante, sóle terrazzane;

ma ddu jórne cchjù de décemila so’ mmenute da tutt’u Gargane.

U jórne ca u Papa la tèrra du pajése nóstre à tuccate,

che la cundandézza tutte chi fucile ane sparate.

Ane fatte tanda chembusióne pure i wagliune

ch’i tric e trac, pescelunnèdde e ceciune.

E quanne u curtéje avéva appéna passate Camarda,

ane ccumenzate a sparà pure che na spengarda.

Nd’a na carròzza ndurata, terata da cavadde, stéva Celestine

ca c’è fermate a Pertóne Perróne pròpete sótt’a u pine.

Jéva jawute, jéva nu ggegande e ppurtava na gghjanga vèsta

e quanne ndèrra jè ccalate tutte l’àne fatte na fréca fèsta.

Po’ jè sagghjute sóp’a na sèggia ndurata e arracamata,

ca da òtte ggiuvene, che li stanghe sóp’a li spadde, jéva purtata.

Adderéte i cardenale che nu vestite rósce com’e la ceralacca

e la fine nu trajine, careche de valice, terate da na vacca.

Quanne u Papa passava l’òmmene ce luwavene u cappèdde

e li fémmene ce ngenucchjavene jawuzanne nu póche i vunnèdde.

Quanne jè rrevate nnand’a u castèlle ce stéva la bbanna

che tanda trómme, tammurre e feschitte de canna.

Ce stéva pure une che la dròccela(1) e une ch’u talabbacche (2)

e na fémmena à dditte “Jè nu bbèlle crestejane, pèrbacche”!

 

Ddà lu spettavene i nòbbele e u pòtestà che na fascia rracamata

ca c’è mmésse a ffà nu parlamènde altelòcate d’accugliènza.

A la fine l’à wasciate la mane che tanda recanuscènza,

à presentate li persóne mburtande ca facévene tanda revérènze

e po’ ce so’ rreterate nd’ó castèlle che cunzumà u pranze.

Dòpe magnate, sóp’a u wagghje du Castèlle c’è ffacciate.

U Papa à dditte duje paróle de cercustanza, à rrengraziate,

à mmenate la spèrgia e dópe ca la benedezióne cià ddate,

c’è mmésse sóp’a li spadde nu bèlle gghjanghe mandèlle,

jè sagghjute n’auta vóta sóp’a la sèggia sta vóta ch’u mbrèlle

e che la vija de Sande Marche mbrucessióne ce n’è gghjute.

adóva a u cummènde de Sande Mattéje jéva spettate

pecché da Papa qua c’è demésse e c’è fatte “frate”.

(n’do pajése ca u Papa nne vuléva fa, dòpe c’è ssapute),

Accuscì la carréra de mòneche dda à ccumenzate.

Sta nutizia u mónne ndére à scungjurtate.

Nu cèrte Dande à scritte ca nd’ó Mbèrne jè fernute

“per viltade u gran refiute”.

Ma ji mo’ diche, se la Cchiésa l’à ffatte Sande,

nn’avéva jèsse po’ malevagge tànde.

Stu fatte, jè mburtande ca stu Papa a Rróma ng’é mma’ jute

pérò a ffà na scappata a Sandelecandre ce n’è mmenute.

Emanuele Petrucci