Colgo l’occasione di pubblicare il seguente scritto dopo aver pubblicato l’articolo relativo al “Grido di Dolore”. È stato in una tarda tiepida tersa mattinata dei primi giorni del mese di maggio del 1999, e precisamente la domenica del due maggio, che mentre mi trovavo ad ammirare dallo studio di Giacomo Leopardi a Recanati la scena di quando il poeta vedeva dalla finestra arrivare dalla campagna la donzelletta citata nel “sabato del villaggio”, proprio in quel momento anch’io mi vedevo dietro la porta-vetrina di casa mia venir da dietro la Chiesa Madre, per poi andare nella Terra Vecchia, una fanciulla (forse l’unica giovane contadinella del paese) tornare anche ella dalla campagna che mi ha fatto clonare la seguente poesia
IL SABATO DEL VILLAGGIO
Véde na quatrara menì da la cambagna
ndande ca chjane chjane sta calanne u sόle
che ngape na fascina rrecóta nd’a la mundagna
e mmane nu tande bèlle mazzètte de viόle.
Béngunde pusata la fascina ècchete ca lèsta lèsta
ce fa bèlla ch’u quanne e cra ca jè fèsta
ccungiannece pètte e capidde ca li rrivene nd’a li grina
ndande ca na vecchjarèdda fila, settata che na vecina,
pròpete derembètte adόva ce va a cluquà u jόrne,
recurdanne i tèmbe de quanne i wagliule li runzavene attόrne,
quanne ce mbellettava, quanne angόra giuvenétta e snèlla
jéva a ballà la séra chi cumbagne de la sója étà cchjù bèlla.
Ce cumènza a ffà scurda e tutte nu mumènde
ècchete u serène turnà mbruvvisamènde
e ch’u serène pure li murèje ca cóppe e titte fane
ch’u chiarόre de la appèna nata luna.
De la fèsta ca sta che menì
sinde li cambane sunà a destèsa
e quanne ddu sόne ccuminze a ssendì
u cόre ce rrecrèja, giujsce, ce rengalluzzisce,
mèndre ca acchjane,acchjane la jurnata fenisce.
Ndande i wagliule cundènde lluccanne
e da tutte li vanne zumbanne,
nzèmbra nd’a la chjazzétta a scjumare
fane na fréca de remόre, de remóre numare.
All’assacrésa sinde rrevà fesc’channe
nu zappatóre ca tόrna a casa penzanne,
felice e cundènde, ca pure jisse quann’e cra
ciadda meretatamènde puté repusà.
Po’ quanne li luce so’ stutate e tutt’attόrne tace
e quanne nd’a la chjazza tόrna la pace,
sinde u martèdde sbatte, sinde la séca secà
du falegname ca sta angόra allérta a fatejà
chjuse dind’a la putéca a la luce de na cannéla
e cόrre, cόrre e ce da da fa’ c
he puté la fatija prumèssa fenalmènde fenì
prima ca u sόle du jόrne de la fèsta ccumènza a scì.
De la settemana u sabbete jè u jόrne cchjù spettate
chjène de speranze e de cundandèzza
pecché cra te spétta sόle melangunija e trestèzza
penzanne a li rròbbe ch’àda fa’ u jόrne apprèsse.
Wagliò, l’étà ca t’ì nd’a stu mumènde,
jè che tté u jόrne ca te fa’ jèsse cundènde
jόrne bèlle, chjéne de prejèzza
sènza affanne e penzire, che tanda spenzeratèzza
ca jè pròpete accόm’e u sabbete de la vita ca te spétta.
Apprufitta, wagliò, gudete stu mumènde
pecché quéste, de la vita, jè u mumènde cchjù bèlle.
Jaute nde vόje dice, ma sta fèsta pure se tarda a menì
spériame pròpete ca nde pòzza maje, maje fa’ suffrì
Emanuele Petrucci
